2 Shohlar 14

¹Shoh Dovud Absalomni sog‘inayotganini Yo‘ab bildi. U bittasini Taxuva shahriga yuborib, u yerda yashaydigan bir donishmand ayolni oldirib keldi. Yo‘ab o‘sha ayolga: — Sendan bir iltimosim bor, — dedi. — Motamsaro qiyofaga kirib, azali kiyimlaringni kiyasan. Pardoz qilma, o‘zingni xuddi marhumga anchadan beri aza tutayotgan ayolday ko‘rsat.

²Men senga nima aytsam, shoh huzuriga borib, unga yetkazasan. Keyin Yo‘ab ayolga nimalar aytishi lozimligini o‘rgatdi.

³Taxuvalik ayol shoh huzuriga yo‘l oldi. Uning huzuriga borib, muk tushib ta’zim qildi–da: — Ey, shohim, yordam bering! — dedi.