Ishayo 50

¹Egamiz shunday aytmoqda: “Men onangizni haydab yuborgan edim, Uning taloq xati qani? Xo‘sh, sizni qaysi qarz beruvchimga sotibman? Mana, gunohlaringiz tufayli sotildingiz, Itoatsizligingiz dastidan onangiz haydaldi.

²Kelganimda nega biron kimsa yo‘q edi? Chaqirganimda nega hech kim javob bermadi? Sizni qutqarishga mening qo‘lim qisqami? Yoki sizni ozod qilishga kuchim yetmasmi? Bir tahdid qilsam dengiz quriydi, Daryolarni cho‘lga aylantiraman. Suvlar qurib, baliqlari sasiydi, Suv yo‘qligidan baliqlar o‘lib ketadi.

³Samolarga qora kiydiraman, Qanorni ularning yopinchig‘i qilaman.”