2 Shohlar 18

¹Dovud yonida yurgan odamlarini bir joyga to‘plab, ular ustidan mingboshilar, yuzboshilar tayinladi.

²So‘ng ularni Yo‘ab, uning akasi Abushay va Gatlik Etxayning nazorati ostida uch qismga bo‘lib jo‘natdi. Shoh odamlariga: — Men ham sizlar bilan birga boraman, — degan edi,

³ular: — Biz bilan bormang, — deyishdi. — Bordi–yu, qochishimizga to‘g‘ri kelib qolsa, g‘animlarimiz biz bilan qiziqmaydi. Yarmimiz o‘lib ketganimizda ham e’tibor berishmaydi. Siz bizning o‘n mingtamizga arziysiz. Siz bizga shahardan turib yordam bering, bizga shunisi yaxshi.