Havoriylar 10

¹Qaysariyada Korniliy degan bir odam bor edi. U Rim armiyasidagi “Italiya” nomli polkda yuzboshi edi.

²Korniliy taqvodor odam bo‘lib, uning o‘zi ham, oilasi ham Xudodan qo‘rqardi. U kambag‘al yahudiylarga ko‘p sadaqa berar, doimo Xudoga ibodat qilardi.

³Bir kuni soat uchlarda unga vahiy keldi. Xudoning farishtasi kirib kelayotganini u aniq ko‘rdi. Farishta: “Korniliy!” deb chaqirdi.