1 Shohlar 13

¹Shoh Shoul o‘ttiz yoshida taxtga o‘tirib, Isroilda qirq ikki yil shohlik qildi.

²U Isroil lashkaridan uch mingta odam saralab olib, qolganlarini uylariga jo‘natib yubordi. O‘sha uch mingtadan ikki mingtasini Mixmash va Baytil qirlariga joylashtirdi, mingtasini esa Benyamin urug‘iga qarashli Givo shahriga — Yo‘natanning ixtiyoriga yubordi.

³Oradan ko‘p o‘tmay, Yo‘natan Filistlarning G‘ibo shahridagi qo‘nolg‘asini mag‘lub qildi. Bu xabar Filistlar orasida tezda tarqaldi. Shoul: “ Ibroniylar bu hodisadan xabardor bo‘lsin”, deb butun o‘lka bo‘ylab burg‘u chaldirdi.