1 Solnomalar 12

¹Birmuncha vaqt oldin Dovud shoh Shouldan qochib, Zixlax shahrida yashab yurgan paytda ba’zi bahodir jangchilar unga qo‘shilgan edilar. Urushlarda Dovud tomonida jang qilgan bu jangchilar

²Benyamin qabilasidan, Shoulning qarindosh–urug‘laridan edilar. Ular mohir kamonchilar bo‘lib, ham o‘ng, ham chap qo‘li bilan o‘q va toshlarni otar edilar.

³Ularning bosh sardori Givolik Shamoning o‘g‘li Oxazar edi. Uning ukasi Yo‘sh sardorning o‘ng qo‘l yordamchisi edi. Quyidagilar esa jangchilar edi: Ozmobitning o‘g‘illari — Yiziyol va Palat, Baraka va Onoto‘tlik Yohu,